خايف على بلدى مصر واهلها..

انا واحد من خمسه وثمانون مليون واحد فى مصر عايشين. من عام واكثر كنت غضبان مقهور متضايق من اوضاع الظلم والمهان والامتهان والاذلال والفقر والقهر والاستغلال وعدم احترام ادمية المواطن. وسوء الخدمات. وتدنى الاداء.
شاركت زى كثير فى مصر فى ثورتنا الغراء البيضاء ثورة الخامس والعشرين من يناير. ولما نجحت وخلعنا اللى خلعناه الرئيس المخلوع كنت سعيد وفرحان وحاسس بزهو المنتصر وحاسس انى رجعت تانى امتلك بلدى اللى كانت منهوبه واسترديتها من اللى نهبوها. لكن للاسف شويه شويه كانت الاوضاع بتحزنى. بلطجه قتل اغتصاب اختطاف. سرقه بالاكراه.
مش عارف ليه انا خايف خايف لاننى شايف الموجودين مش زى اللى كنت شايفهم ايام الثوره. كل واحد فيهم بيطعن فى الثانى ومخونه .
خايف على مصير بلدى الاحتجاجات بتزيد كل يوم واحتياطى النقد المصرى بينقص ويتناقص. والاقتصاد متأثر والعمل قليل والكلام كثير.
علشان حاجات كثيره من ذلك انا خايف خايف علي بلدى مصر واهلها
ــــــــــــــــــــــــــــــــــــــــ
أرسلت بواسطة رضا الحصرى إلي موقعك

زائر

عبرت برسالتك ياأخ رضا
عن ما نشعر به جميعاً
كلمات صداقة من مشاعر بتحب مصر بجد

أستاذ شكراً على نشرك الرسالة

زائر

صفحة 1 من اصل 1