قصيدة جايز / الشاعر سامح عبد الهادى

جايز ...


فى عز العتمة تلقى الصبح بيلون


سما ليلك .. والفجر جاى بيتكون


جايز تلاقى بسمتك فى سكتك


ومين عارف خطاو ينا ؟ و بيهـو ّن


جايز ...


القلب أصله طفل ماتعلمش الصبر


دايما يخاف .. مرعوب كأنه فى قبر


عايز يملك حياته كلها فى إديه ..!


أبيض أوى .. مع انه غاوى السمر


جايز ...


آخر المشوار تلاقى الحلم مستنى


جايز يعيش .. وتموت .. وهو متأنى


حلمك مراقب خطوتك ما يفقدهاش


وانت بتنساه ساعات .. وبتغنى


جايز ...


الطير يشوف الحرية فى السما بعنيه


لكنه محتاج للوطن .. يحضنه لو عاد إليه


الحب ومعانى الأمل .. غنوة حياة


غنيها على دق قلبك .. واعزف عليه .




( سامح عبد الهادى )
====================

لو عجبتك شير .. وانشر التفاؤل ..
القصيدة من كلمات سامح عبد الهادى

قصيدة حلوه
وكلماتها سهلة ومعبرة

شكرًا لك
وأحييك على مساهماتك ومشاركاتك الطيبة