صدى الصوت

شربت كاس الضنى
قالوا اشربي
وخليه كمان قـُوت
داريت في قلبي الجرح
وليه تداري
اتكلمي
دا جرحك ماله سـُكوت
ناديت بعزم مافي
جاوبني الصدى
الريح معاكِس
مايوصـل ابدا صُـوت
أخرتها إيه ماتقولوا
أسكت ولا أتكلم
ولا أكتم جواية المـُر
وامـُوت
هو اللي يعيش في الدنيا
لازم يكون حاوي
ويطلع من جيبه كمان
كتكوت
اصبري دي الدنيا لحظة وتمـُر
وبسرعة كمان بتفـُوت
معقول
وليه نعيش اللحظة مـُر
ليه نضيع فيهاكل العـُمر
ليه نسكت وليه نداري
ولو صرخنا
يتـْرَد لـِينا الصوت
ــــــــــــــــــــــــــــ
مدونة الزمن الجميل / أمل حمدى

شكراً أستاذ محمد
على طرحك لهذه الخاطرة الرائعة
فى
منتدانا
والشكر موصول للمبدعة القديرة


أمل حمدى

المبدعة الراقية أ/ أمل
كل التقدير والاحترام لوجودك فى منتدانا والذى شرف بابداعتك
دمت لنا ودام إبداعك